XOOK 5
Xooknen tubeel
BIX KEN A BEETE:
-
Líiʼsaba maʼalob. Tukult baʼaxten tsʼíibtaʼabi. Suukchajak a xokik junmúuchʼ tʼaanoʼob juntaatsʼ; maʼ a jeʼelel tiʼ cada junpʼéeliʼ. Maʼ a luʼsik mix a woksik uláakʼ tʼaaniʼ, tsʼoʼoleʼ ilawil maʼ a kʼexik le tʼaanoʼoboʼ. Chʼaʼ en cuenta le signoʼoboʼ.
-
Xok tubeel tuláakal le tʼaanoʼoboʼ. Wa maʼ a wojel bix u xoʼokol wa baʼax tʼaanileʼ kaxt tiʼ junpʼéel diccionario, uʼuy u grabacionil le xookoʼ wa kʼáat tiʼ juntúul máak maʼalob u xook.
-
Beet u juum maʼalob a tʼaan. Maʼ a chíinil, jap a chiʼ utiaʼal ka jóokʼok maʼalob a tʼaan. Beet u yuʼubaʼal tubeel cada junxéetʼ tiʼ le tʼaanoʼoboʼ.