Mo mbakadihe wenengai. Mo berẽkurii gu ndupai i ake gupai re ti ni. Mo mangi ome ka geda badona nga ga afugo, angianga kaa geda bangiri afugo ni basasa ya. Mo du na rubangirise ki zanga rimiso gu kura fugo, ka gu rii kura apai, watadu ka maa gu kura afugo kuba agu akuraha. Mo moiberãro fuo agu aba si aida mo ongodi watadu ka ru rogoho.

Mo gedi afugo ni basasa dunduko wenengai. Ka si du nga mo ainongo wai ka yamba gu kura fugo te, mo degeturo kuti dede woro fugo, watadu mo sana boro ni undo ro.

Mo fura giangiri. Mo yambu afugo wenengai, mo tumba riro kuari na ki zaki ngbaro gbägäzo. Mo fura ngba gu gene aboro nika gia ro wenengai ka i awakananga gupai awakana mo agedaha ya.