Mété apa sé mo-a ki pòtalan. Lè’w fini li an vèsé, mété douvan sé mo-a ki lianné épi lidé-a ki enpòtan. Ou pé fè sa, lè’w ka répété sé mo-a ki enpòtan, oben lè’w ka pozé sé moun-lan an kèsion pou endé yo touvé sé mo-tala.

Mété lidé-a douvan. Si’w èsplitjé poutji ou kay li an vèsé, montré rilasion ki ni ant mo pòtalan vèsé-a, épi rézon-an ki fè’w li’y.

Fè an itilizasion ki senp. Pa palé anlo asou bagay ki pa ni piès liannaj épi lidé pòtalan-an. Pa rapò a sa sé moun-lan ja konnèt asou sijé-a, pou sa klè épi fasil pou aplitjé, gadé pou wè kantité enfòmasion ou ka ba.