Toorora omambo omananḓengu. Tji wa zu nokulesa etjangwa, ṋunisa omambo ngu maye hitasana nawa nepu roye. Mo yenene okutjita nao mokutamuna rukwao omambo ngo, poo okupura epuriro ndi mari tjiti kutja ovapuratene voye ve mune omambo ngu mo hungirire ko.

Ṋunisa epu ndi mo vanga kutja ovapuratene voye ve zemburuke. Indu tji mo kahurura kutja ongwaye tji mo lese etjangwa ndo, kahurura kutja omambo metjangwa ndo maye hitasana vi nepu ndo.

Tamuna omambo omaṱiṱi uriri. O hungirire komapu nge hi notjiṋa nepu ndi mo vanga okuṋunisa. Okuisira ku imbi ovapuratene voye mbi mave tjiwa rukuru ohunga nepu ndo, toorora kutja omapu yeṋe omananḓengu ngu mo hungirire ko, kokutja ve zuve nawa nokuyeṱakamisa.