LEKSION 6
Nepakanawag tu Mapia i Punto na Teksto
Juan 10:33-36
SUMARIO: Ariammu basta bibbigan i teksto anna magali ta tanakuan nga punto. Siguraduan nga manawag nga mantindian na maggigginna i koneksion na teksto nga binibbig mu ta punto nga kayà mu palawanan.
NU KUNNASI NGA KUAN:
-
Palattuagan i importante ira nga termino. Kabalin nga nabibbig i tadday nga teksto, palawanan i termino ira nga konektadu ta pinakapunto. Awayyam ikagi uli yatun onu makkiavu tapenu masingan na maggigginna i importante ira nga termino.
-
Ipasigo i punto. Ipakanawag i koneksion na importante ira nga termino ta rason nu ngatta mabibbig i teksto.
-
Kuan tu simple i aplikasion na teksto. Lillitan i makkomento ta ari importante ira nga detalye nga awan tu koneksionna ta pinakapunto. Base ta ammu ngana na maggigginna meyannung ta topiko, nonopan nu kunnasi i karu na informasion nga kawagan tapenu manawag anna mantindian i punto.
