ANG ỌJẸ́JẸ 6
Ọ-Da Ẹla Ọlụpwụ Ịgọgọ Wụlẹ Gbagbịla
ỊJọn 10:33-36
ẸLA ỌLẸ KÁ KA HỌ: Kori ká wa ụpwụ ịgọgọ kpá, a gba ju ka ẹpwụ nya ẹla ọkịla ahyaahị ka. Maga ká dọọ wụlẹ chajị ká angịlẹ kị́ wẹẹ ke ụrụ wo lang ka yẹ gede-gede, jaabwọ ká ẹla ọlụwa gu ẹla ọlẹ ká wẹẹ ya.
JAABWỌ KÁ KA BWU HỌ ỊNYỊ:
-
Gba ahị nya ẹla kpehe. Ụka ká wa ụpwụ ịgọgọ kpá, gba omyi ẹla ịkpọngchị ịlẹ kị́ gu egbeju nya ẹla oyaya nyang kpehe. A ka họ ịnyị bwula ọ-ma ẹla ịịwa wa myịmyị lee ọ-tọ ịtọ ẹla ọlẹ kọ́ ka da angịlẹ ká wẹẹ ya ẹla ju ụbwọ nyọka gba ẹla ịkpọngchị ịịwa kpehe lịlaa myị́.
-
Ma ẹla ịkpọngchị ya mwụba-mwụba. Kori ká ya ang odudu ọlẹ ká wẹẹ ka wa ụpwụ ịgọgọ ọhẹ bwu ọmwụ ọdada aalẹ, ya jaabwọ ká ẹla ịkpọngchị ịla ụpwụ ịgọgọ ọọwa gu ẹla ọlẹ ká ya, bwu ọmwụ ọdada.
-
Da ẹla wụlẹ ụ-ụgbẹyị ọlẹ kọ́ ka chịkpẹẹ. A ya ẹla u-uhye nya ẹla ịkịla ịlẹ kị́ gu egbeju nya ẹla oyaya nyang ka lẹ ka. Maga ká jẹ́ jaabwọ ọlẹ kọ́ chịla nyọka da ẹla ọọwa wụlẹ kaka ba, ene ká angịlẹ á wẹẹ ya ẹla ju ka wo etu nyamwụ, bwula ọ-kụ irya ju ang ịlẹ kị́ jẹ́ u-uhye nya ẹla ọwẹ ene-ene, bala abwọlẹ ká ẹla ọọwa baba kaka ba.
