MILONGI YA 6
Kulondekesa Kyebhi Kya Tokala Kukumbidila o Ibatulu mu Kizuwa ni Kizuwa
Nzwá 10:33-36
IHI I WA TOKALA O KUBHANGA?: Kana kutanga ngó o velusu, ha u suluka mu pondo yamukwá sé ku ijimbulula. Bhanga yoso phala o jingivwidi jé ji tene kumona kyebhi o velusu i wa tange ya lungu ni pondo i wa mu zwela.
KYEBHI KI WA TOKALA O KUBHANGA?:
-
Sondolola o izuwelu ya beta kota. Kyoso ki u tanga velusu, jimbulula o izwelu ya lungu ni pondo ya beta kota. U tena kubhanga kiki, mu kubhitulula o izwelu, mba kubhanga ibhwidisu i kwatekesa o jingivwidi kutonginina o izwelu ya beta kota.
-
Bhitulula o pondo ya beta kota. Se wa tange velusu ni kixinganeku kimoxi, jimbulula yebhi o izwelu ya beta kota ya velusu, ya lungu ni kixinganeku kiki.
-
Bhebhulukisa o disá di twa tokala ku katula mu velusu. Kana kulombolola o ima yoso ya lungu ni velusu i wa tange. Jimbulula ngó o jipondo ja lungu ni maka u wa mu zwela. Sola o ima i wa bhingi kubandekesa phala kujimbulula dingi kyambote o pondo ya beta kota. Mu ku bhanga kiki, wa tokala kutongina o ima yejiya kyá o jingivwidi ya lungu ni maka ni pondo ya beta kota.
