DIILONGWEESH 6
Kuleej hatook kuhetangan kwa verseh ni ciin bwaal
Jah 10:33-36
CYA KUMANYIK: Kubaloh bend bituh verseh ni uhit ku bwaal bukwaabw. Long bwa bakukuukun mat batal hatook mudy verseh uwudy mubal uhetangan ni bwaal buwuloolongweesh.
CYA KULONG:
-
Sobol myaak yitam. Awumaaman kubal verseh, iimanyin a myaak yitam yiheehetangan buludy-ludy ni bwaal buwuloolongweesh. Udy mwa kulong nook a kwambulul myaak aay eecy ha kujooj diijooj didy mwa kusak bakukuukun mat bwa kumanyik myaak yitam.
-
Iimanyin ha bwaal buwudy mukat bwa baat bavuluk. Biby biikal neey udy mutwaal verseh ni muleej hatook kabingil ka kumubal, umvwiij mudy myaak yitam ya mu verseh aaw yihetangan ni kabingil aak.
-
Umvwiij mu mushind muheehel ciwudy mutwaadil verseh. Kuleeboh bend myand yikiish yihetangan ni ciin bwaal, yikiish yit bwaal butam buwuleeleeb nyam ku mikon. Uw mumanyik bidy bakukuukun mat baman kumanyik habitaatal ciin bwaal ciibuh, sungul myand yidy ni buseeb yiikal mwa kwambulwiish baat bakukuukun mat bwa bumvw bilengel bwaal buwudy mulongweesh.
