Tongolai byambo byanema. Inge mwapwisha kutanga kinembelo, tongolai byambo byakwatankana na kishinka kyo mubena kwambapo. Mwakonsha kubwezha bwezhapo byobyo byambo nangwa kwipuzha bwipuzho busakukwasha bantu kuyuka byambo byanema biji mu kyepelo.

Koseshai kishinka kiji mu kinembelo. Inge mwatanga kinembelo, lumbululai byambo biji mu kinembelo byamwesha ene mambo o mwatangila kyokyo kinembelo.

Ambai bishinka mu jishinda japeela kumvwa. Kange muvwangemo bintu byabula kukwatankana na kishinka kyo mubena kwambapo ne. Kwesakana na bintu byayuka bantu pa yewo mutwe, mwakonsha kusala bishinka byaesakanatu byakonsha kwibakwasha kumvwisha ne kuyuka bya kwibingijisha mu bwikalo bwabo.