ບົດຮຽນທີ 6
ອະທິບາຍຂໍ້ຄຳພີໃຫ້ຜູ້ຟັງເຂົ້າໃຈແຈ້ງ
ໂຢຮັນ 10:33-36
ຈຸດສຳຄັນ: ຢ່າພຽງແຕ່ອ່ານຂໍ້ຄຳພີແລ້ວເວົ້າເຖິງຈຸດຕໍ່ໄປທັນທີ ແຕ່ຄວນເຮັດໃຫ້ແນ່ໃຈວ່າຜູ້ຟັງເຂົ້າໃຈແຈ້ງວ່າຂໍ້ຄຳພີທີ່ເຈົ້າອ່ານກ່ຽວຂ້ອງກັບເລື່ອງທີ່ເຈົ້າເວົ້າແນວໃດ.
ສິ່ງທີ່ຄວນເຮັດ:
-
ເນັ້ນຄຳສຳຄັນ. ຫຼັງຈາກອ່ານຂໍ້ຄຳພີ ໃຫ້ເນັ້ນຄຳທີ່ເປັນຈຸດສຳຄັນຂອງເລື່ອງທີ່ເວົ້າ. ເຈົ້າອາດເວົ້າຄຳນັ້ນຊ້ຳອີກເທື່ອໜຶ່ງ ຫຼືຖາມເພື່ອໃຫ້ຜູ້ຟັງຮູ້ວ່າຄຳໃດເປັນຄຳສຳຄັນ.
-
ເນັ້ນຈຸດສຳຄັນທີ່ຢາກໃຫ້ຜູ້ຟັງເຂົ້າໃຈ. ຖ້າເຈົ້າອ່ານຂໍ້ຄຳພີເພື່ອຫາເຫດຜົນ ເຈົ້າຕ້ອງອະທິບາຍວ່າຈຸດສຳຄັນຂອງຂໍ້ຄຳພີສະໜັບສະໜູນເຫດຜົນນັ້ນແນວໃດ.
-
ອະທິບາຍໃຫ້ເຂົ້າໃຈງ່າຍໆ. ໃຫ້ເວົ້າສະເພາະຂໍ້ມູນທີ່ກ່ຽວຂ້ອງແລະສະໜັບສະໜູນຈຸດສຳຄັນຂອງເລື່ອງທີ່ເວົ້າ. ໂດຍອາໄສຄວາມຮູ້ທີ່ຜູ້ຟັງມີຢູ່ແລ້ວ ເຈົ້າຕ້ອງຕັດສິນໃຈໃຫ້ດີວ່າຈະໃຫ້ຂໍ້ມູນສ່ຳໃດ ເພື່ອເຮັດໃຫ້ຜູ້ຟັງເຂົ້າໃຈງ່າຍ.
