ËXPËJKËN 6
Wäˈäts nimaytyäˈäk tuˈugë tekstë
Fwank 10:33-36
¿TI YˈANDIJPY? Kyaj jeˈeyë tuˈugë tekstë xykyäjpxët etsë netë wiinkpë xynyimaytyakojnët. Ix pën të ja jäˈäy tjaygyukë wiˈix nyaymyënëjkxyëty ja tekstë mët diˈib jam mnimaytyakypy.
WIˈIX YAJTUNÄˈÄNY:
-
Tukwijtstuˈut ja ayuk diˈib jëjpˈam. Ko xykyäjpxtäˈäyët tuˈugë tekstë, tukwijtstuˈut ja ayuk diˈib mˈijxypy ko naymyënëjkxëp mët diˈib jam mnimaytyakypy. Ets mbäät duˈun xytyuny, ko xynyikäjpxëmbitët ja ayuk diˈib jëjpˈam o ko ti xyyajtëwët parë jäˈäy këˈëm tjaygyukët.
-
Nikäjpxëmbit diˈib mtsojkypy tjamyatsët. Pën mnigajpxypy tiko xykyäjpxäˈäny tuˈugë tekstë, nimaytyäˈägë net ok wiˈix nyaymyënëjkxyëty mët ja ääw ayuk diˈib jap të xytyukwijtstuˈuty ets ta jatëgok xynyigäjpxët tiko të xykyajpxy.
-
Nimaytyäˈäk wingëjxy. Këdii nëgoo xynyimaytyaˈaky diˈib kyaj jyëjpˈamëty. Ix nuˈun ja jäˈäy tijaty tnijawë, net kyaj nëgoo tijaty xytyukmëtmaytyäˈägët.