TAMACHTILIS 6
Kuali xikonmelaua textos itech Biblia
Juan 10:33-36
TEIN MONEKI TIKONCHIUAS: Amo sayoj xikonixtajtolti se texto itech Biblia uan satepan ika xiontajto okse tanemilil. Ta kuali xikonita maj akin mitsonkaktokej kiitakan keniuj mouika nejon texto iuan tanemilil tein tikonneki tiontamachtis.
KENIUJ TIKONCHIUAS:
-
Xikonnexti tajtolmej tein tayekantokej. Satepan ke tikonixtajtoltis se texto, okachi xikonnexti tajtolmej tein mouikaj iuan tanemilil tein tikonneki tiontamachtis. Nejin uelis tikonchiuas komo oksepa tikonijtoua tajtolmej tein tayekantokej oso komo tikonchiua se netajtanil tein kinpaleuis akin mitsonkaktokej maj kiitakan nejon tajtolmej.
-
Kuali xikonnexti katiyejua tamachtilis. Komo achto ke tikonixtajtoltis se texto tikonijtoua keyej tikonixtajtoltiti, xikonmelaua keniuj tajtolmej tein okachi tikonnextij itech tajkuilol kipaleuiaj tein tikonneki tiontamachtis.
-
Xikonmelaua kemej amo ouij moajsikamatis. Amo xikonijto tein amo mouikaok iuan tamachtilis tein tayekantok. Xikonita toni kimatijya akin mitsonkaktokej, ijkon tikonitas toni monekiok tikonmelauas.
