ESOMO 6
Erikangania ndeke ngoko Erisako ryangakolesibwa
Yoane 10:33-36
OMO KIKUHI: Isiwasoma erisako lisa n’eriluwalabira oko yindi nzumwa. Uhakikisaye uti abahulikiriri baghu bakalangira ndeke-ndeke ngoko erisako eryo ukabisoma rihambane n’enzumwa eyo ukakanayako.
NGOKO WANGAKOLA:
-
Uhire omuwato w’oko binywa by’omughaso. Wabisoma erisako, hira omuwato w’oko binywa ebihambene ndeke-ndeke n’enzumwa ngulu eyo ukakanayako. Wanganakola ekyo omwisubirira omo binywa ebyo kutse eribulya eribulyo eryangaleka abahulikiriri baghu ibaminyerera ebinywa bikulu.
-
Uhire omuwato w’oko ekyo wanzire ibibuka. Wamabya imuwukanatangiriraya erisako omwikangania enzumwa eyikaleka iwasomaryo, kanganaya ngoko ebinywa bikulu-bikulu ebiri omo risako eryo bihambene n’enzumwa eyo.
-
Wanguhaye erikania ryaghu. Yihighule okwikania oko yindi myatsi eyitahambene n’enzumwa ngulu eyo ukakanayako. Enyuma sy’erilengekania oko myatsi eyo abahulikiriri baghu basi oko mukania waghu, uyisoghe nga ni binywa bingahi byo bikendibya by’omughaso abahulikiriri baghu batoke eriyiteghererya ndeke enzumwa eyo ukakangiriraya.
