ELONGESO 6
Okuhangununa Nawa Onotestu
João 10:33-36
ETYI UNA OKULINGA: Uhatange vala otestu iya oende no monthele onkhuavo. Kala nonthumbi yokuti ovateheleli vanoñgonoka oñgeni otestu watanga yelikuata nonthele ukahi nokuhangununa.
OÑGENI MOTYILINGI:
-
Holovona onondaka mbakolela. Tyina wamatange otestu, toneka onondaka mbelikuata nawa nonthele yakolela yetyi ukahi nokulongesa. Upondola okutyilinga mokuwana-wana onondaka ombo ine okulinga omapulo akuatesako ovateheleli okuimbuka onondaka mbakolela mbo testu.
-
Toneka onthele yakolela vali. Inkha upopila ovateheleli ehunga liokutanga otestu imwe, hangununa oñgeni onondaka mbakolela mbo testu oyo mbelikuata netyi wapopia.
-
Hangununa monkhalelo yapepuka. Lityilika okupopia ovipuka viehesukisile iya vihakuatesako okuhangununa onthele yakolela vali. Soka ku etyi ovateheleli vesukisa opo vanoñgonoke nawa onthele yakolela uhanda okuhangununa, mahi talela ku etyi vei-ale konthele yosapi, nomokonda yatyi osapi oyo yakolela.