Precisaq palabrakunata kutin kutin parlë. Textuta leyirirmi, tsë textuchö yachatsikïkanqëkipaq parlaq palabrakunata mas rikätsikunëki. Tsëpaqqa yapëmi tsë palabrakunata ninëki o juk tapukïtam ruranëki tsë textuchö escribirëkaq palabra respuestan kanqanta rikäyänampaq.

Yachatsikunqëkita yarpäyänampaq. Juk textuta manaraq leyirmi, yachatsikïkanqëkipaq tsëchö imata ninqantaraq nirinëki. Tsëpitanam, tsë asuntupaq Biblia imata ninqanta shumaq entienditsikunëki.

Ama pantatsirqa maskunata parlëtsu. ¿Imata yachakuyänantataq munanki? Tsëqa ama maskunata yachatsikïtsu. Y imakunata musyayanqanta cuentaman churëkurmi, precisaq yachatsikïkunallata parlanëki.