YACHAI 6
Versocunata alli intindichi
Hechos 17:2, 3
YUYARI: Versota liyishcahuan shujtaj yuyaimanca mana pasanachu cangui. Versopi ima nisha nishcatami alli intindichina cangui. Shina yachachijpimi ima temamanta parlacushcata gentecunaca alli intindingacuna.
CASHNA RURAI:
-
Importante palabracunata agllai. Liyishca qꞌuipaca chai versopi ricurij importante palabracunatami tigra repitina cangui. O mana cashpaca paicunallataj importante palabracunata chai versomanta japichun tapuicunata rurai. Shinami chai versohuan imata yachachisha nicushcataca alli intindingacuna.
-
Imata liyishcata ama cungarichun cutin repiti. Shuj yuyaimanta yachachingapajca shuj versotachari liyingui. Pero versota liyishca qꞌuipaca chai versohuan imata yachachisha nishcatami alli intindichina cangui.
-
Intindinalla shimicunahuan yachachi. Yachachicushpaca mana dimastij yuyaicunatachu nina cangui. Imata yachachina cashcallatami nina cangui. Shuj temata yachachingapajca canhuan yachacujcuna mashnata yachashcatami ricuna cangui. Chashnami can yachachisha nishca temata ashtahuan intindichi tucungui.
