6. KOTOR
Zhutin uzhes te hatyaren la Bibliake vershura!
János 10:33–36
SO SI ANDE KADO KOTOR? Kana opre ginaves o versho andar e Biblia, na zha perdal pe jekh po kaver gindura. Si te zhanes, ke kon shunen tut, hatyaren, ke sar avel kethane o versho, thaj pe soste vorbis.
SO TRUBUL TE KERES?
-
Le rigate so kames te sityares. Pala soste opre ginadan jekh versho, vazde avri kodola vorbi, save sikaven, so trubul te sityuvas. Inke jekhar shaj phenes kodola vorbi, vagy shaj pushes te hatyaraves, ke so kames te sityares.
-
Vazde avri le bare gindura. Te phendanla sostar ginavesa jekh versho, pala kodo phen avri, ke o versho sar tordyol pasha tyi vorba.
-
Na vorbin but. Feri kodo phen, so trubul te sityon. Gindin pe kodo, so zhanen aba, thaj so trubul te sityon. Kade zhanesa, ke sode te vorbis pasha jekh versho, mishto te shaj hatyarenla.
