Sɔtɔla tɔtɛkɛta t’ohomba. L’ɔkɔngɔ wa wadielo wa divɛsa dimɔtshi, ka epole ɔsɛkɛ lo tɔtɛkɛta tɔtɔnɛ mbala kakɔ ɔtɔi la dui dioleki ohomba. Wɛ mbeyaka nsala dui sɔ lo kalolɛ tɔtɛkɛta takɔ kana mboka dimbola diayɔlɔmba ampokami dia vɔ mbishola tɔtɛkɛta t’ohomba.

Tɔtɔmiya dui dialangayɛ di’ampokami mbohɔka. Naka wɛ mbɔtshiya divɛsa dimɔtshi lo mɛnya hwe ɔkɔkɔ wahombayɛ diadia, kete lembetshiya woho wasukɛ ɛtɛkɛta w’ohomba wa lo divɛsa diakɔ ɔkɔkɔ akɔ.

Lembetshiya lo yoho ya wɔdu. Ewɔ dia nembetshiya towuiwui tahasukɛ awui woleki ohomba watayɔmbɔla. Lo mbidja yimba lo kɛnɛ kamboshilaka ampokami ayɛ mbeya l’ɔtɛ a dui akɔ, shikikɛ lofulo l’awui wele ohomba dia ampokami ayɛ nshihodia dimɛna dui diakɔ.