CIIYO 6
Magwalo Apandululwa Munzila Iiluzi
Johane 10:33-36
NCOMWEELEDE KUCITA: Mutani kwiile kubala buyo lugwalo mpoonya akutalika kubandika kaambo kambi. Amube masimpe kuti baswiilizi banu babona mbolweendelana lugwalo ndomwabala akaambo nkomubandika.
MBOMUKONZYA KUCTA OOBO:
-
Amunomoone mabala aayandika kapati. Mwamana kubala lugwalo, amwaambe mabala aayendelana kapati akaambo nkomubandika. Mulakonzya kucita oobo kwiinda mukwaayinduluka mabala aayo aapandulula kaambo naa kubuzya mubuzyo uukonzya kugwasya baswiilizi banu kubona mabala aajisi kaambo.
-
Amukankaizye kaambo kayandika kapati. Ikuti naa mwaamba kaambo ncomuyanda kulubalila lugwalo, amupandulule mabala aayandika kapati aali mulugwalo mbwaayendelana akaambo aako.
-
Amulupandulule munzila nguba-uba. Amucitantamuke cilengwa cakwaamba twaambo tuteendelani akaambo kabandikwa. Kweelana azintu nzyobazyi kale baswiilizi banu kujatikizya makani aabandikwa, amusale twaambo itweelede kubandikwa kutegwa baswiilizi banu bakamvwisye kaambo.
