6-ДӘРИС
Муқәддәс китаптики айәтләрни ениқ чүшәндүрүп бериш
Йоһан 10:33—36
АСАСИЙ МӘХСӘТ. Бир айәтни оқуғандин кейин алдирапла йәнә бир ой-пикиргә өтүп кәтмәслик керәк. Тиңшиғучиларға оқулған айәт билән ейтилған ой-пикирләр арисида қандақ бағлиниш барлиғини ениқ көрситиш.
МӘХСӘТКӘ ҚАНДАҚ ЙЕТӘЛӘЙСИЗ?
-
Муһим сөзләрни алаһидә тәкитләш. Айәтләрни оқуғандин кейин, сиз ейтмақчи болған асасий ой-пикир билән беваситә бағлиниши болған сөзләрни көрситиң. Буниң үчүн муһим сөзләрни қайта тәкрарлаң яки тиңшиғучиларни муһим сөзләрни байқашқа үндәйдиған соални қоюң.
-
Асасий ой-пикирни тәкитләш. Асасий ой-пикирни чүшәндүрүш үчүн, айәт оқуш керәклигини ейтиң. Айәттики муһим сөзләрниң мошу асасий ой-пикир билән қандақ бағлиниши барлиғини тәкитләп өтүң.
-
Ениқ, аддий чүшәнчә бериш. Тиңшиғучиларниң мошу мавзу һәққидә қанчилик билидиғанлиғини ойлап көрүң, андин кейин шу мавзуни ениқ, аддий чүшәндүрүш үчүн қанчилик қошумчә ой-пикирни қошушни қарар қилиң. Асасий ой-пикиргә мунасивәтсиз болған ушшақ-чүшшәк тәпсилатларни қошуштин сақлиниң.
