ZƐŊ-LƐƐI 6
Berei Kwa Ɣala-kɔlɔ-kpua Ŋaa Lɛ La A Zu Ponoɔ
Zɔŋ 10:33-36
MƐNI-ŊUŊ: Ife ɣala-kɔlɔ-kpua ta lono nɔ I kula naa, I li mɛni-ŋuŋ takpɛni ma. Gɛ nuai ya lonoi dipɔi, di berei kaa ŋala-kɔlɔ-kpuai ya nonoi pilaŋɔi la mɛni-ŋuŋ ma ya nɛi.
BEREI YA PƆRI GƐI LAI:
-
Luaŋ ŋoo-ŋuŋ-ŋai dia. Ya kpɛɛ ɣala-kɔlɔ-kpua ta lonoi, ŋoo-ŋai lɛ nyii bilaŋɔi mɛni-ŋuŋ ya nɛi ma. Ya pɔri nyiŋi kɛi a ŋoo-ŋai ti toliɛ polu kpaa I mare-kɛɛ kɛ nyii pai kpɔnii nuai dia a gɛɛ di ŋoo-ŋai kɔlɔŋ.
-
Gɛ mɛni-ŋuŋ e tɔɔ. A kɛ I mɛnii ya ŋala-kɔlɔ-kpuai lonoi mɛni mai lɛ I lɛɛ pai nonoi, berei lɛ ŋoo-ŋuŋ-ŋai pilaŋɔi la mɛni-ŋuŋ ti mai.
-
Ife mɛni-ŋuŋ-ŋai kelee ŋala-kɔlɔ-kpuai sui ŋa-lɛ. Ife lono e pilaŋ ŋala-kɔlɔ-kpuai mela takpɛni-ŋa dia nyii ve pilaŋ ni mɛni-ŋuŋ mai. Ikili-ŋa sia e pilaŋ mɛnii ma nuai di gɔlɔŋ e pilaŋ mɛni-ŋuŋ mai. Gɛ ni ya pɔri lonoi e pilaŋ mɛni-ŋa dia nyii pai kpɔnii nuai dia a gɛɛ di mɛni-ŋuŋ ŋaa kaa a zu ponoɔ.
