Eʼes le tʼaanoʼob kʼaʼanaʼantakoʼ. Kéen tsʼoʼokok a xokik junpʼéel tekstoeʼ beet u yilaʼal le tʼaanoʼob maas kʼaʼanaʼantakoʼ. Utiaʼal leloʼ jeʼel u páajtal a kaʼa aʼalikoʼobeʼ wa a beetik kʼáatchiʼob.

Kʼaʼajs baʼaxten ta xokaj. Wa táanil tiʼ a xokik le teksto ta waʼalaj baʼaxten a kʼáat a xokoʼ eʼes baʼax tʼaaniloʼob tiʼ le teksto táan u meyajtechoʼ.

Maʼ a talamkúuntik bix ken a tsolil. Chʼíikikech tiʼ le baʼax maas kʼaʼanaʼanoʼ, maʼ a tsolik yaanal baʼal. Utiaʼal a wilik bukaʼaj baʼaloʼob unaj a tsolik utiaʼal u naʼataʼal tubeeleʼ tukult baʼax u yojliliʼ le máaxoʼob uʼuyikechoʼ.