ˈWʋpälɩwɛlɩɩ a -mi wa ˈkää -pa ˈmö ˈnʋ, mö -n nɩ tɛlɩ sɛ. Zezwii a saa, ghlɛnɩ -lii -yɩ -binɩɲɩɛ ˈmö, -n ˈkä wɛlɩɩ a -mi kää dɛsɛ, -yɩ -lɛ gbëawɛlɩɩ zɛmö -sɛ. ˈN -lii wa bhɛnɩɛ wa ˈkä -pa ˈmö ˈnʋ, ghlɛnii ˈmö -n ˈkä -lii -yɩ ˈtɛɛ ˈmö zɛmö -sɛ. -N -kä wɛlɩkïbhë ˈwʋ pälɩ, tɩ ˈfʋ -lii -mimii -lɛ -gömö ˈzʋ, wa ˈkia ˈmö ˈnʋ. -N -kä wɛlɩɩ ˈwʋ pälɩ, yɩ -ɲɛ ˈsaa -n -wʋä ˈcɩa dɔˈwʋ nɩ mönɩ yɔwʋ, yɩ tɩa ˈyukwlipʋnɩwa dlɩ ˈyli kla. Nzɩ wa ˈkia ˈmö ˈnʋ ˈtɩɩ.

ˈSaa ˈkää ˈyukwlipʋnɩwa kwänɩ, ˈpɩ dlɩ ˈwʋ. -N -kä wɛlɩɩ ˈwʋ pälɩɛ yi, libhi wa nʋä ˈkwädlɩ ˈn -lii -yɩɲɩ gbʋ plɛnʋa, -sɩbhä a wɛlɩɩ ˈmö -n nɩ pälɩ ˈwʋ. ˈNɛmanɩ -naɲɩ ˈwʋ, -naˈa ˈwʋpälɩwɛlɩɩ tʋa zʋ ˈlɩbhanɩ, yɩ tʋaˈɛ ˈklɛ ˈmö pla.

Kïbhëa -a kää dɛsɛ, mö -n nɩ ˈcɩa. -N -kä wɛlɩɩ ˈwʋ pälɩ, kïbhï -yɩ kää dɛsɛ mö -n nɩ pɩɛnɩ ˈwʋ cuu. Sɛ -n ˈkää ˈzʋ, ˈn ˈyukwlipʋnɩwaa ˈkää ˈsaa -n ˈcʋa, -yɩ kää dɛsɛ ˈwʋ ligbanɩ, wa tɩa -naˈa ˈwʋpälɩwɛlɩɩ a ˈyize ˈwlumö -kä, ˈzʋ -sɩbhä.