Keʼachaʼ tzʼetbʼäl ri ma kʼayewal ta yeqʼax. Takʼamaʼ anaʼoj chrij Jesús. Rchë yeʼaqʼalajsaj naʼoj ri kan kʼayewal yeqʼax, keʼaksaj achkë jun ri kan yeʼuksäx ronojel qʼij chqä kan tamatäl kiwäch. Ma keʼaksaj ta tzij ri xa nuʼän chë ri tzʼetbʼäl ma yeqʼax ta. Rchë ma nasüqʼ ta chkiwäch ri yekʼoxan awchë, tatzʼetaʼ we ri tzʼetbʼäl nuqʼalajsaj ri naʼoj nawajoʼ nakʼüt.

Kachʼobʼon chkij ri yekʼoxan awchë. Keʼachaʼ tzʼetbʼäl ri rukʼwan riʼ rkʼë ri yekiʼän ri yekʼoxan awchë o rukʼwan riʼ rkʼë ri nkajoʼ nkikʼoxaj, ye kʼa ma keʼaksaj ta tzʼetbʼäl ri xa yerusök o xa yerukʼixbʼisaj ri winäq.

Taqʼalajsaj ri naʼoj ri kʼo más rejqalen. Xa xuʼ keʼaksaj tzʼetbʼäl rchë yeʼaqʼalajsaj naʼoj ri kʼo más kejqalen. Tatzʼetaʼ chë ri yekʼoxan awchë nkanaj qa pa kijolon ri naʼoj ri nawajoʼ nakʼüt qa chkiwäch y ma xa xuʼ ta ri tzʼetbʼäl ri xatzjoj chkë.