Iscuji simple ilustracion. Igual con Jesus, usa maga diutay cosas para explica con el maga grande cosas y usa maga facil cosas para explica con el maga dificil cosas. No omenta maga detalle que puede causa para queda complicao el ilustracion. Asigura que el detalle na de tuyu ilustracion aplicable gayot na leccion que quierre tu enseña para gendeh man libug aquellos quien ta oi contigo.

Pensa si quien oi contigo. Iscuji maga ilustracion que familiar y interesao aquellos quien oi contigo. Tiene cuidao que el de tuyu maga ilustracion gendeh hace huya o hace sinti duele kanila.

Enseña el importante punto. Man focus na maga importante punto y gendeh na maga diutay detalle. Asigura que el quien ta oi contigo hay acorda con el leccion del ilustracion y gendeh con el ilustracion lang.