Sawula sikombiso so hehuka. Kufana ni Jesu, thumisa silo sa sidotho ti to u txhamusela timhaka ta hombe, ni kuthumisa silo so hehuka ti to u txhamusela timhaka to karata. U nga tatele mapswi, ha ko za u timeta vaengiseli. Tsaniseka ti to silo si u si thumisako ka txikombiso txako sa yelana ni gondo yi u ningelako ti to u si mwalati vaengiseli vako ngu kutshunganisela timhaka.

Alakanyisisa ngu vaengiseli vako. Sawula sikombiso asi vaengiseli va nga si tolovela mwendo va nga si tsakelako. Ti wonele kuthumisa sikombiso si si nga va thelako tingana mwendo ku va henyisa.

Siya gondo ya lisima. U nga tatele to womba, thumisa sikombiso ti to u junyatisa tigondo ta lisima. Maha totshe u nga ti kotako ti to muengiseli wako e sala a di ni gondo i si nga kukhumbula txikombiso dwe.