Yajcan lajiya tac mach bʌ wocolic. Cheʼ bajcheʼ tsiʼ mele Jesús, cʼʌñʌ chuqui tac mach bʌ colemic chaʼan maʼ tsictesan jiñi ñuc tac bʌ i cʼʌjñibal, i cʼʌñʌ lajiya tac mach bʌ wocolic chaʼan maʼ tsictesan jiñi wocol tac bʌ. Mach a wʌl mach bʌ i cʼʌjñibalix chaʼan mach wocolic maʼ mel jiñi lajiya. Wen qʼuele chaʼan jiñi lajiya añʌch i sujmlel yicʼot jiñi woli bʌ a wʌl chaʼan mach lecojic ti ubintel.

Ñaʼtan jiñi muʼ bʌ i ñʌchʼtañetob. Yajcan lajiya tac muʼ bʌ i taj i bʌ yicʼot muʼ bʌ i melob o i mulañob jiñi woli bʌ i ñʌchʼtañetob. Yom tsajilet chaʼan jiñi lajiya maʼañic miʼ yʌcʼob ti michʼ o ti quisin.

Tsictesan jiñi a wom bʌ a pʌs. Cojach yom maʼ tsictesan jiñi ñuc bʌ i cʼʌjñibal i mach jiñic mach bʌ wen ñuquic. Wen qʼuele chaʼan mach cojach miʼ cʼajtesañob jiñi lajiya, yom miʼ cʼajtesañob jaʼel jiñi ñuc tac bʌ i cʼʌjñibal.