˗Bhö bɔ ˈwɔnzuan ˗nu ˈwo ˗dho ˗an ˈgüman, ˗an ˗ta. ˗Bhö bɔ pë ˗nu ˈö mɛn ˗nu ˗wa dɔ ˗an ˗ta kö ˈü ˈwɔn ˗nu ˈö ˗an ˈgüman ˗sü ˈdhö ˈˈgbɩɩ˗ ˗a ˈgü ˈˈpʋ ˗an ˗dhɛ ꞊dhɛ ˗kɔ ˈö Yesu ˗ya kë ˗a ˈka, ˗a ˈdhö. ˈWɔn ˗nu ˈwo dho ˗an ˈgüman ˗sü kë ˈˈgbɩɩ˗, ˈbha ˈdho ˗an ˗wɔn blɛɛˈˈ. ˗Bhö ü ˈgü dɔ ˈˈgbɩɩ˗ kö pë ˗nu ˈü ˗dho ˗a pö ü ˗bha ˈwɔnzuan ˗nu ˈgü bhë, ˗wo ˗gban ꞊dedewo ˈwɔn ˈü˗ ˈˈpiʋ̈ ˈü ˈˈtʋtomɛn ꞊klaŋ kë ˗a ˈka ˗a ˗bha, ˈˈkɛɛ ˈya ˈdho ˗an ˗zo bho ˗a ˈwɔn ga ˗nu ˈˈpiʋ̈.

˗Bhö ü ˗zota ˈwɔnzuan ˗nu ˈwo ˗dho ˈˈtʋtomɛn ˗takun ˗an ˈgü. ˗Bhö ˈwɔnzuan ˗nu ˈwo ˗gban pë ˈö mɛn ˗nu ˗wa ˗kë yi ꞊gban ˈˈpɛpɛ ˈka, ˈö ˗an ˗dhɔ ˗dho ˗an ˗kë ˗a ˗bha, ˗an ˈsü. Ü ˗bha ˈwɔnzuan ˗nu dua ˈyaa ˗mü kö ˗wo mɛn ˗nu ˈˈtënŋ ˈsü, ɛɛnˈˈ kö ˗wo ˈwɔn ˗shiö ˗an ˗dhɛ.

Ü ˗bha ˈwɔnzuan ˗nu ˗wo pë ˈü˗ ˈˈpiʋ̈ ˈü mɛn ˗nu ꞊klaŋ kë ˗a ˈka ˗a ˗zɔn. Pë ˈü˗ ˈˈpiʋ̈ kö ˗yö ˈto mɛn ˗nu ˈˈɲaan, yö ˈnën ˗bhö ˗a ˈwɔnzuan ˗zɔn. ˈBha ˈdho ˈwɔn ˈsɛɛn˗ ˗nu ꞊gban ˈˈpɛpɛ ˈgü ˈˈpʋ ˈwɔnzuan ˈka. ˗Bhö ˈü ˈgü dɔ ˈˈgbɩɩ˗ kö ˈwɔn ˈö dho ˈto ˈˈtʋtomɛn ˗nu ˈˈɲaan, ˈya ˈdho kë dosɛnŋ ü ˗bha ˈwɔnzuan ˈka. ˗Bhö ˗a kë kö ˗gleŋ ˈö ˈgo ˗a ˈgü ˗yö ˈto ˗an ˈˈɲaan ˈpö.