Belen ai memvulna me ne oveves ya wog. Ane Yésus, o ne timi é mam me ne menen o nòng mvulna ai ban mam, o ne fe felen é mam me ne ayié ya wog o nòng mvulna ai éma me ne oveves ya wog. Te wò bag abui mam a mvulna dzoé, é za bò ayié ya wog. Dzeng na mvulna dzoé é toben ai ayegele wò ve. Akia té, é bot ba vogolo ba yi ki fe fas é mam me seki ai nfi.

Fasa asu yi na o yem dzé é ne nfi asu é bot ba vogolo wò. Tòb menvulna me tii ai bisié ya é bot ba vogolo ba bò ngeki é mam me ne nfi asu daba. Bò okala. Te wò belen ai é mvulna é ne ndegele mot ngeki a bali nyè nnem.

Yegele nlo adzo. Dzeng na mvulna dzoé é toben ai minlo medzo. Te wò timi ban mam bese ya mvulna. Vòligi é bot ba vogolo wò na be baala ayegele da sò a mvulna, seki ve mvulna étam.