Chwazi ègzanp ki senp. Kon Jézi, sèvi èvè dé ti biten tousenp pou èspliké dé biten enpòwtan, é sèvi èvè dé biten fasil pou èspliké dé biten ki rèd a konprann. Pa bay détay ki pa nésésè é ki ka konpliké ègzanp-la. Asiré-w kè ègzanp-la ka korèsponn èvè lidé-la ou vlé èspliké la, pou pon détay initil pa fè moun ki ka kouté-w pèd fil a sa ou ka di.

Sonjé sé moun-la ki kay kouté-w la. Chwazi ègzanp ki anrapò èvè sa yo ka fè é ki ka entérésé-yo. Pa pran ègzanp ki ké jenné sé moun-la é ki ké choké-yo nonplis.

Pa oubliyé lidé prensipal la. Sèvi èvè ègzanp pou èspliké sé lidé prensipal la, plito ki sé ti détay-la. Fò pa moun-la sonjé ègzanp-la tousèl, men fò i sonjé sa i aprann grasa ègzanp-la.