LISON 8
Èkzanp ki ka enstwi
Matié 13:34, 35
KISA POU FÈ : Rann lansèyman’w pli bèl, gras a èkzanp senp ki ka entérésé sé moun-lan, èk ki ka pèwmèt ou ansénié yo lidé ki enpòtan.
KI MANNIÈ POU FÈ SA :
-
Chwazi èkzanp senp. Kon Jézi fè, sèvi kòw di bagay moun konnèt pou èsplitjé lidé enpòtan, di bagay fasil pou èsplitjé bagay difisil. Pa mété détay initil ki kèy konplitjé èkzanp-lan. Fè manniè pou lidé enpòtan-an adan èkzanp-lan, ka alé vréman épi sa’w lé di, pou sé moun-lan pa sonjé a dòt bagay ki lésansièl.
-
Sonjé moun ki ka kouté’w. Chwazi èkzanp ki ni an rapò épi otjipasion sé moun-lan épi ki ka entérésé yo. Anplis di sa, tout èkzanp ou kay pran, pa pou mété yo dan lanbara oben tèrbolizé yo.
-
Pa mété lidé prensipal-la asou koté. Sèvi èkzanp pou mété lidé prensipal-la douvan, mé pa pou ti détay. Tansion pou sé moun-lan pa sonjé yenki èkzanp-lan, men lison-an osi.
