Sà gbò nu dòòle ló ea é válí ge dã́tẽ́ ló. Tú ńkem̀ nu baamà tẽ́ nú ea palàge dú bíi, vaá ò tú nú ea válí bààmà tẽ́ nú ea tavàlà, belí bé e Jíízọ̀s beè naaá. Ó gá dõogẽ tú gbò bel e bè náa dú bíi nvee gbàà o bel dòòle ló naa ní ea é tavẹlẹ. Mòn kọọ̀ íb nu dòòle ló eo saà gbááá ló o nòòmà nù kọbé náa gyue gbò e bà gé pãané ni tṍ ló.

Bugi togó boo nú ea é dọ bélè nè gbò e bà gé pãané ni tṍ ló. Sà nu dòòle ló ea é léémá va, ea gbááá ló tóm e bà ólò sì. Ọẹ̀ dẽe naa ní eo nu dòòle ló náa é nveemà va lẹ́ àbèè ge kyẽ́ va.

Noòmà kà ea di m̄. Sà nu dòòle ló ea é tú kà ea di mm̀ o bel tẹlẹ bàlà kẽ, níì gbò bel e bè náa dú bíi nì. Mòn kọọ̀ nen ea gé pãané ni tṍ ló náa kẽèa boo áá nu dòòle lóá, sõò á kẽ̀èà nàgé boo nú ea nó lọl ló nu dòòle lóá.