Ṣinyan apajlẹ he bọawu lẹ. Taidi Jesu, nọ yí onú pẹvi lẹ do basi zẹẹmẹ onú daho lẹ tọn, podọ nuhe bọawu lẹ do basi zẹẹmẹ nuhe gẹdẹ lẹ tọn. Ma nọ yí zẹẹmẹ flinflin he ma yin dandan tọn lẹ do hẹn apajlẹ lọ doglẹ blo. Hẹn ẹn diun dọ nudọnamẹ he apajlẹ towe bẹhẹn lẹ tindo kanṣiṣa nugbonugbo hẹ nuhe a jlo na plọnmẹ lọ, na hosetọ towe lẹ nikaa biọ bẹwlu mẹ na yé ma mọ nuhe apajlẹ lọ tindo to kọndopọ mẹ hẹ nuplọnmẹ lọ wutu.

Nọ hẹn hosetọ towe lẹ do ayiha mẹ. De apajlẹ he gando nuhe mẹ hosetọ towe lẹ tindo ojlo te po nuwiwa yetọn lẹ po go lẹ. Payi ma nado dowinyan yé kavi hẹn homẹgble yé gbọn apajlẹ towe lẹ gblamẹ.

De nuagokun tangan lọ tọ́n. Nọ na apajlẹ gando nuagokun tangan lẹ go, e ma yin do zẹẹmẹ flinflin lẹ ji. Hẹn ẹn diun dọ hosetọ towe lẹ na flin nuagokun he plọnmẹ a te lọ, e ma yin apajlẹ lọ kẹdẹ.