Ochishoge emifano eyorohere. Kuguma na Yesu, okolese orhuntu rhutyuli-tyuli aliko rhufasiriye binene, n’ebintu biyorohere omu kufasiriya ebikomere. Orhayongeraga emyazi erhavire yaba y’akamaro yakarhuma omufano gwawe gurhayunvikana. Ochihangane ebinwa wakolesa omu mufano gwawe bipatane bwinja n’esomo yiwalonza kuyigiriza abonviriza bawe yi barhahugiswa n’emyazi yiwaderha erhapatene n’esomo chiro.

Owaze oku bonviriza bawe. Ochishoge emifano omu by’oyinji abonviriza bawe banakola changwa byakabasimisa. Omenye emifano yawe erhabakoza eshoni changwa ekabagayisa.

Ofasiriye ewazo likulu. Akaba wahaana emifano, bihemere ebe y’okufasiriya amawazo makulu, s’arhali buli mawazo moshi mageke-geke mali omu mwazi gwawe. Ochihangane abonviriza bawe babike omu bwenge echiwashondaga kubayigiriza s’arhali omufano gonyine.