Chụ ẹla ị-chụ pwokwita ịlẹ kị lujwo ka. Họ lala iJisọsị, kọọ kpa ang ichiche da ang ịtụka wụlẹ bala ọ-kpa ang ị-chịkpẹẹ da ang ilujwo wụlẹ. A ya ẹla ịlẹ kị baba-ka bala ịlẹ kị ka wọ ọngịnyị ahị-wùu ju ẹ-ẹpwụ nya ẹla ọ-chụ pwokwita nyang ka. Jẹ́ myị̀myị nyori ang ịlẹ ká wẹẹ kpa mẹ ang jẹ ẹ-ẹpwụ nya ẹla ọ-chụ pwokwita nyang, pwoku ẹla ọlẹ ká wẹẹ mẹjẹ, chajị ká irya nya angịlẹ kị wẹẹ ke ụrụ wo lang ka hụ-ahị ka.

Kụ irya nya ang ịlẹ kị ka ju apyobwuna ha angịlẹ kị wẹẹ ke ụrụ wo lang. Chụ ang ịlẹ ká angịnyị kaa họ bala ang ịlẹ kịị kpaa ịpyọ pwoku. Dụmwọ-dụmwọ ká ẹla ị-chụ pwokwita nyang a hu oyi jwaa lee ọ-waa ẹjẹ ka.

Mẹ ahị nya ẹla jẹ. Maga nyọka chụ ahị nya ẹla pwoku, ọkọkọ nya ẹla ịlẹ kị baba lụmẹ ka. A họ ká angịlẹ kị wẹẹ ke ụrụ wo lang a kpịtịya nya ẹla ọ-chụ pwokwita kem ka, ma họ kị ka kpịtịya nya ẹla ọlẹ kị jẹ́ bwu ẹpwụ nyamwụ ịnyịnyị.