Оңнирға ниик кӧзідімнерні таап ал. Иисус чіли, чоон нимені кічиҷек нименең, сидік нимені оой нименең чарыда чоохта. Оох-теек нимелернең кӧзідімні піліп аларға сидік итпе. Кӧзідім син чоохтапчатхан сағысха прай хыринаң килістіре ползын. Андағ полбаза, исчеткеннерге кӧзідімні піліп аларға сидік полар, аның ӱчӱн сиргек истерге дее аар полар.

Исчеткеннердеңер сағын. Исчеткеннерге таныс, оларға хынығ паза чуртастарынаң палғалыстығ нимелерні кӧзідімге ал тур. Пірдеезін уйаттырбас паза хомзындырбас кӧзідімнер таллап ал тур.

Ӧӧн сағыстарны іле кӧзіт. Оох-теек сағыстарға нимес, че ӧӧн не сағыстарға кӧзідімнер пир. Кӧзідім не нимес, че ол кӧзідім нимее пирілгені исчеткеннернің сағыстарында халзын.