Sungul bileejel biheehel. Teng bu Yeez kal mudimw ni myand yikeeh bwa kumvwiij myand yitam ni myand yiheehel bwa kumvwiij myand yikasakan. Kusakidiloh bend myand yikwaabw yikiish ni buseeb yidy mwa kulong bwa cileejel ciibuh cilek kumvwiik bilengel. Long bwa myand ya mu cileejel ciibuh yumvwangan menmen ni bwaal buwuloolongweesh, bwa kaay watum meej ma bakukuukun mat ku myand yidyobw kabay mwa kumvw.

Iikal ni bakukuukun mat mu meej. Sungul bileejel biheehetangan ni myand yidy bakukuukun mat bakat. Long bwa bileejel biibuh kabilong biiy bya hweekesh baat bakwaabw milong eecy biibafuluj mund.

Longweesh bwaal butam.Twaal bileejel bidy biimanyin ha myand yitam ki kaay ha tuumyand tukeeh. Iikal mutwiishibw neey bakukuukun mat kabaakuvuluk teng cileejel bituh ki biiyiiy kuvuluk cikwaabw dilongweesh didyobw bahetel ku cileejel aacy.