Amusebenseshe shikoshanyo shuubu kunyumfwisha. Bweenka mbuli Yesu, amusebenseshe tuntu tuniini ndyemutosansulula shintu shinene, ashintu shuubu ndyemutosansulula shintu shiyumu. Mutaambi shiinji sheenga shapa bantu kwaalilwa kunyumfwisha. Shikoshanyo shilyeelete kucatana amakani ngomutokwiisha kwaamba ayi beshikukutika batapilinganishikwi.

Amuyeeye sheenga shacafwa batookutika. Amusale shikoshanyo shaamba pashintu batookutika nshebacita anshebasuni. Amusebenseshe shikoshanyo sheenga tashilenshi bamwi insoni na kubakalasha.

Amwiishe citeente cinene. Amusebenseshe shikoshanyo ndyemutosansulula shiteente shinene, kuteshi ndyemutokwaamba shiteente shiniini niini. Amushinishe kwaamba ayi batookutika bateebalukibo cikoshanyo sombi aciteente cinene ncemwalinga kwiisha.