Awˬ lawn 8
Tawˇ pa haˉ tehˆ maˍ ve
Maꞈhtehˍ 13:34, 35
A yeˇ yuˬ cawˇ ve: Na taˍ ve chaw nawˬ maˍ ve htaꞈ na gaˇ tuˬ, a yeˇ uiˍ ve teˇ tawn htaꞈ maˍ tuˬ, yawˇ htaꞈ caˉ daꞈ ve tawˇ pa haˉ tehˆ maˍ sheˍ.
Te tuˬ awˬ hkʼaˇ:
-
Hkʼa sha sha˗ehˬ ve tawˇ pa haˉ htaꞈ leuˆ yuˬ ve. Yeˍsuˆ hkʼa shuˍ, uiˍ ve awˬ lawn htaꞈ maˍ tuˬ i ve awˬ lawn htaꞈ tehˆ maˍ piˇ ve, haˍ ve awˬ lawn htaꞈ maˍ tuˬ sha ve awˬ lawn htaꞈ tehˆ maˍ piˇ sheˍ. Na taˍ ve chaw fuiˍ daꞈ pehˬ daꞈ gʼa tuˬ, maˇ loˍ ve awˬ ceuˬ htaꞈ taˇ tehˆ maˍ. Nawˬ maˍ chehˇ ve leh nawˬ tehˆ maˍ ve awˬ lawn caˉ daꞈ ve yoˬ tehꞈ na taˍ ve chaw shiˍ tuˬ, maˇ hawˍ daꞈ ve awˬ lawn htaꞈ taˇ kʼoˆ.
-
Na taˍ ve chaw awˬ pon hkʼaˬ htaˆ kaꞈ dawˇ nyi piˇ ve. Na taˍ ve chaw htaꞈ caˉ daꞈ ve yawˇ dawˇ cawˇ ve tawˇ pa haˉ htaꞈ leuˆ yuˬ sheˍ. Nawˬ tawˇ pa haˉ tehˆ maˍ htaˇ, yawˇ yaꞈ taw ve leh nyi ma maˇ sha tuˬ, shaˍ tiꞈ te sheˍ.
-
A yeˇ uiˍ ve teˇ tawn htaꞈ maˍ piˇ ve. A yeˇ uiˍ ve awˬ lawn ceh tiˉ tawˇ pa haˉ tehˆ maˍ sheˍ. Ciˉ liˇ cawˇ lawˇ˗ehˆ htaꞈ tehˆ maˍ tuˬ maˇ loˍ. Na taˍ ve chaw tawˇ pa haˉ htaꞈ tawnˇ gʼa tuˬ ceh tiˉ taˇ te. Beˆ maˍ piˇ taˍ ve htaꞈ kaꞈ tawnˇ taˍ cawˇ ve yoˬ.
