Проста пример-влакым ойырен нал. Умылыдымым умылаш полшашлан Иисус семын умылаш куштылго пример-влакым кучылт. Примерым уто рашемдымаш дене ит нелемде. Терген нал: пример умылтарыме шонымашетлан чыла шотыштат келшен толеш мо? Уке гын, примерет дене колыштшо-влакым ӧрыктарен кертат да тӱҥ шонымаш деч кораҥдет.

Колыштшо-влак нерген шоно. Пример семын нал тудым, мом колыштшо-влак сайын палат,— нунын илышышт але пашашт дене кылдалтмым. Тыгай пример-влакым ойырен нал, кудышт огыт ӧрыктаре да нигӧм огыт сусырто.

Тӱҥ шонымашым палемде. Пример-влакым тӱҥ шонымашым гына умылтарашлан кучылт. Тек колыштшо-влак примерым гына огыл шарнен кодыт, но тыгак тудымат, молан тиде пример каласыме лийын.