പാഠം 8
പഠിപ്പിക്കാൻ സഹായിക്കുന്ന ദൃഷ്ടാന്തങ്ങൾ
മത്തായി 13:34, 35
ചുരുക്കം: കേൾവിക്കാർക്ക് ആകർഷകമായ, ലളിതമായ ദൃഷ്ടാന്തങ്ങൾ ഉപയോഗിച്ച് പ്രധാനപ്പെട്ട ആശയങ്ങൾ പഠിപ്പിക്കുക.
എങ്ങനെ ചെയ്യാം:
-
ലളിതമായ ദൃഷ്ടാന്തങ്ങൾ ഉപയോഗിക്കുക. യേശുവിനെപ്പോലെ, ചെറിയചെറിയ കാര്യങ്ങൾ ഉപയോഗിച്ച് വലിയ കാര്യങ്ങൾ വിശദീകരിക്കുക; എളുപ്പമുള്ള ആശയങ്ങൾ ഉപയോഗിച്ച് ബുദ്ധിമുട്ടുള്ളവ വിവരിക്കുക. ദൃഷ്ടാന്തത്തിൽ അനാവശ്യവിവരങ്ങൾ ചേർത്താൽ അവ മനസ്സിലാക്കാൻ ബുദ്ധിമുട്ടായിരിക്കും. ഉപയോഗിക്കുന്ന ദൃഷ്ടാന്തത്തിലെ വിശദാംശങ്ങൾ, നിങ്ങൾ പഠിപ്പിക്കുന്ന വിവരവുമായി നന്നായി യോജിക്കുന്നതായിരിക്കണം. അല്ലാത്തപക്ഷം വിഷയവുമായി ചേരാത്ത അത്തരം വിശദാംശങ്ങൾ കേൾവിക്കാരെ ആശയക്കുഴപ്പത്തിലാക്കും.
-
കേൾവിക്കാരെക്കുറിച്ച് ചിന്തിക്കുക. കേൾവിക്കാരുടെ ജീവിതവുമായി ബന്ധപ്പെട്ട, അവർക്കു താത്പര്യമുള്ള വിഷയങ്ങൾ ദൃഷ്ടാന്തമായി പറയുക. അവരെ അസ്വസ്ഥരാക്കുകയോ മുറിപ്പെടുത്തുകയോ ചെയ്യുന്ന ദൃഷ്ടാന്തങ്ങൾ ഉപയോഗിക്കരുത്.
-
പ്രധാനപ്പെട്ട ആശയം പഠിപ്പിക്കുക. ചെറിയചെറിയ വിശദാംശങ്ങൾ പഠിപ്പിക്കാനല്ല, മുഖ്യാശയങ്ങൾ പഠിപ്പിക്കാനായിരിക്കണം ദൃഷ്ടാന്തങ്ങൾ ഉപയോഗിക്കേണ്ടത്. കേൾവിക്കാർ ദൃഷ്ടാന്തങ്ങൾ മാത്രമല്ല അതിലൂടെ പഠിപ്പിക്കുന്ന ആശയവും ഓർത്തിരിക്കുമെന്ന് ഉറപ്പുവരുത്തുക.