Mwawomvya ivilanjililo ivipepuke. Mwawomvya utuntu ututici pa kulondolola ivikulu, ni vipepuke pa kulondolola ivintu iviwome ndi vino Yesu wacitanga. Mutavuzya ivya kulondolola mu cilanjililo vino vingalenga awantu wapotwe ukwivwa cino mukulandapo. Mwasinincizya ukuti icilanjililo cino mwawomvya citapusine ni cisinka cino mukulandapo pa kuti iwumba litavizilwe ukwivwa vino icilanjililo cikuwavwa.

Mwawomvya ivilangililo vino vingavwa wano mukulandako. Mwalanda pa vintu vino wano mukulandako wamanya swinya vino wangatemwa ukwivwa. Mutawomvya ivilanjililo vino vingasewanya iwumba nanti ukuwivwisya insoni.

Mwawomvya ivilanjililo pa kusambilizya pa cisinka cikulu. Mwawomvya ivilanjililo pa kuti icisinka cikulu civwike. Mwasinincizya ukuti wano mukulandako wasyala wakwizuka sana icisinka icikulu, asa cilanjililo citupu.