Katishilani ntchito mafanizo osavuta. Yesu enzekatishila ntchito vinthu vitontho-vitontho pofotokoza vinthu vikulu-vikulu komasoti vinthu vosavuta pomvwikisha vinthu vovuta kumvwa. Kulaŵila vinthu vosafunika kungachitishe kuti omvwishila avutike kumvwisha fanizo. Mukowoneshesha kuti mafanizo ŵamukatishila ntchito okatijana na mfundo yamufuna kumvwikisha kuli omvwishila ŵanu. Ivi vingayavye omvwishila kuti osati asokonezeke.

Mukoganizilani omvwishila. Katishilani ntchito mafanizo oziŵika komasoti angachitishe omvwishila kunkhala na chidwi. Nkhalani osamala kuti mafanizo ŵanu osati akochitisha nsoni omvwishila olo kuŵakhumudwisha.

Phunzisani mfundo ikulu. Cholinga chikonkhala kupeleka mafanizo pa mfundo zikulu-zikulu osati pa mfundo zitontho-zitontho. Nkhalani osimikija kuti omvwishila akokwanisha kukumbukila mfundo ikulu osati mafanizo tyala yayi.