Holovona ononthengele-popia mbapepuka. Nga Jesus, undapesa ovipuka ovitutu opo uhangunune ovipuka ovinene, iya undapesa ovipuka viapepuka opo uhangunune ovipuka viepuiya. Uhapopie ovipuka viehesukisile mavingwangwanesa vala ovanthu. Kala nonthumbi yokuti onthengele-popia yove yelikuata umwe netyi ukahi nokulongesa ovanthu.

Soka kovateheleli vove. Holovona ononthengele-popia mbelikuata netyi ovateheleli valinga, netyi vehole vali. Lunguka opo ononthengele-popia mbove mbahakundise ovateheleli ine okuvenumanesa.

Longesa onthele yakolela vali. Longesa onthele yakolela vali nonthengele-popia, uhatale kovipuka ovitutu vionthengele-popia. Kala nonthumbi yokuti ovateheleli kamavahinangela vala onthengele-popia, mahi tupu mavahinangela etyi velilongesilako.