Tomba ifezegeselo ya leba. Gifua Yesu, kalegela ndaga athu ana jiya ha guakotelesela ndaga jia ndando, kalegela nji ndaga jialeba ha guakotelesela ndaga jiakola. Uzuelelago ndaga jiavula-vula jiajiya gubuisa gifezegeselo giene binda-binda. Tshita ngolo ha gula gifezegeselo giaye gidivue diago nu longo udi mulongesa, hagula athu adi gugutegela awunganesago matangi’awo.

Tangiza ndaga mbayikuatesa athu adi gugutegelela. Tomba ifegezeselo idi gudivua nu midimo nu ndaga jiko jianatshita athu adi gugutegela. Monesa gutema, ifezegeselo yaye ishigo naye gusagesa nga guhana athu musonyi.

Longesa matangi’a ndando. Hana ifezegeselo ha gukotelesela athu matangi a ndando, uvi uyihanyigo ha guzuelela ndaga jiazonda-zonda. Tshita ngolo ha gula athu adi gugutegelela awungulugago phamba gifezegeselo, uvi awunguluge nji longo azudi mu gifezegeselo giene.