Mumbasalule vitsanzo vosashupa kubva. Khalani ninge Yesu yemwe angaphatisa basa vitsanzo vosashupa kubva kuti apfunzise vinthu voshupa kubva. Osati mumbakanganise wanthu na mawu yazinji. Mumbadzibvunze kuti: Ko chitsanzo mwichi chinkubveranadi na mpfundo yaninkufuna kupfunzisa? Mawu yomwe yankubveranalini na mpfundo ikulu yangasokoneze wanthu.

Mumbaganizire mpfundo zothandiza wanthu. Salulani vitsanzo vobverana na mabasa yosiyana-siyana ya wanthu na vomwe achakonda. Samalani kuti vitsanzo vanu vileke kukalipisa wanthu.

Mumbathandize wanthu kudziwa mpfundo ikulu. Phatisirani basa vitsanzo kuti mupfunzise mpfundo zikulu-zikulu, osati zidiki-zidiki. Wanthu ambakumbukire vomwe apfunzira, osati chitsanzo chokha.