Mifilia fanohara tsotra. Tahafo Jesosy ka mampiasà raha kelikely mba hanazavà raha bevata, le mampiasà raha tsotra mba hanazavà raha sarotsy. Ka miresaky tsipiriany tsy ilà fa manjary sarotsy fanohara iny. Ataovo mifanaraky soa amy fianara iny ty raha resahinao anatini-fanohara ao, soa tsy ho tandrena amy ze raha tsy mitovy anatiny ao ty mpijanjy.

Eritsereto ty mpijanjy anao. Fanohara mikasiky ty asa ataoni-mpijanjy anao noho ty raha mahakinto an-drozy ro filio. Manaova soa tsy no hahamenatsy na hampeloky an-drozy ty ohatsy ampiasanao.

Ty hevitsy bevata ro ampianaro. Ty hevitsy bevata ro tena iezaho haboaky amy fanohara iny, fa tsy ty tsipiriany malinidiniky. Anovo ze hahavy ty mpijanjy hahatiaro ty hevitsy nianarany fa tsy fanohara iny avao.