Ejempluechani úraa engaksï fásili kurhangukuarhiaka. Májkueni ú je eska Jesusi: sapichitu ambe úra je para kʼéri ambe jorhentpini ka arisku jásï ambe para imani ambe jorhentpini enga úkua jukaka. Asï ísku jatini úra je ambe ma enga no uétarhiaka ejemplurhu. Asegurarikuarhi je eska ejemplu terokuntaaka puntu jingoni engajtsï uéjka jorhentpini paraka kʼuiripu uáka kurhanguni.

Eratsia je kʼuiripuechani. Imani ejempluechani erakua je enga terokuntaaka ambe engaksï újka kʼuiripuecha o ima temecheri engaksï tsitiajka. Jánguarhi je no kʼuratsetaani ni no sési pʼikuastaani.

Eksplikari je puntuni engajtsï uéjka jorhentpini. Ejempluechani úraa je para puntuechani jorhentpiani engaksï jukaparhakueka, ka no imani ambe enga no xáni jukaparhakueka. Asegurarikuarhi je eska kʼuiripu imani puntuni miáuaka engajtsï uéjka jorhendani ka no solu ejempluni.