Gamit hin simple nga mga ilustrasyon. Pariho kan Jesus, gamit hin gudtiay nga butang ha pagsaysay han dagku nga butang, ngan hin magsayon nga butang ha pagpatin-aw han magkuri nga butang. Ayaw pagdugang hin diri ginkikinahanglan nga detalye nga makakawurok han ilustrasyon. Siguroha nga aplikado gud an imo ilustrasyon ha leksyon nga imo igintututdo basi diri mawurok an imo mamarati ha pipira nga detalye nga diri aplikado.

Hunahunaa an imo mamarati. Pagpili hin mga ilustrasyon nga may kalabotan ha buruhaton ngan interes han imo mamarati. Magin mabinantayon nga diri hira maalohan o mainsulto han imo ilustrasyon.

Itutdo an nangunguna nga punto. Pagpokus ha pag-ilustrar han nangunguna nga mga punto, diri han gudti nga detalye. Siguroha nga mahinunumdoman han imo mamarati diri la an ilustrasyon kondi pati liwat an punto han ilustrasyon.