Sobula bifuani bio bikembolo phasi mu sudika. Banga Yesu, sadila mambu mafioti muingi wusudikisa mambu manneni, mambu makambulu phasi muingi wusudikisa mambu madi phasi. Kadi bue buela bina bi mambu bifioti fioti bio bikembolo kuandi mfunu muingi biedi tula ti kifuani kiaku kiba phasi mu sudika. Ba sikididi ti mambu mo madi mu kifuani beni nguizani madi ayi dilongi dio wulembo longi muingi batu bo bakulandakana bedi ba mvualangani mu mintu’awu.

Yindula batu bo baku wa. Sobula bifuani bio bidi nguizani na mambu mo batu beta vanga voti na mambu mo batu beta yangalala. Kadi vana bifuani bio biela monisa batu tsoni voti kubafuemisa.

Longa diyindu di mfunu. Vana kifuani mu mambu ma mfunu vayi bika mu mambu mafioti fioti. Tula ngolo ti batu bo bakulandakana basudika dilongi dio didi mu kifuani beni, vayi babika sukila kaka mu lunda kifuani beni mu ntu.